"Azərbaycanda repetitor fəaliyyətinin ləğvi gündəm mövzusu deyil".

Gundem.az xəbər verir ki, bunu elm və təhsil naziri Emin Əmrullayev deyib.

O qeyd edib ki, repetitor fəaliyyəti dünyanın heç bir yerində ləğv edilməyib.

Nazir bildirib ki, hər bir insan övladını əlavə dərs üçün müəllim yanına qoya bilər: "Yalnız sahibkarlıq fəaliyyəti kimi repetitorluğun hansısa iqtisadi yönləri tənzimlənə bilər. Gərək repetitorluğun necə olması ilə bağlı təkliflər də olsun ki, biz onu dəyərləndirək".

Xatırladaq ki, mətbuatda Elm və Təhsil Nazirliyinin repetitor fəaliyyəti göstərən müəllimlərə qarşı tədbirlər görüləcəyi barədə məlumatlar yayılıb.