Qarabağ separatçılarının başçısı Araik Arutyunyan dünən Xankəndində böyük qızına toy edib.

Modern.az xəbər verir ki, bu barədə məlumatı “Joğovurd” qəzeti yazıb.

Məlumata görə, separatçıların rəhbəri böyük qızına toyu çox dar çərçivədə edib. Mərasimdə yalnız bəy və gəlinin yaxın qohumları, dostları və Arayik Arutyunyanın ətrafındakı ən yaxın separatçılar  iştirak edib.

Tədbirin təmtəraqsız keçirildiyi bildirilib. Buna səbəb kimi Araikin Qarabağdakı vəziyyətə görə böyük səs-küy salmamağa çalışdığı vurğulanıb.

“Joğovurd” qeyd edir ki, bəy Xocalı rayonunun ermənilər yaşayan Təzəbinə kəndindəndir (ermənilər Əsgəran rayonu Noraqığ kəndi adlandırır-red.). Onun Araik Arutyunyanın qızının tələbə yoldaşı olduğu bildirilir.