Bəxtiyar Hacıyevin, qardaşının və dostlarının evində axtarış aparılır- VƏKİL
"Hal-hazırda Bəxtiyar Hacıyevin Bakı şəhərində yaşadığı evdə axtarış aparılır".
Cebhe.info xəbər verir ki, bunu onun vəkili Elçin Sadıqov özünün "Facebook" hesabında yazıb.
Vəkil ictimai fəalın ailə üzvlərinin evində də axtarış aparıldığını qeyd edib:
"Gəncə şəhərində olan ata evlərində, qardaşının evində, Bəxtiyarın və dostlarının evində, avtomobilində axtarış-götürmə istintaq hərəkətləri aparılır, hətta telefonları da əllərindən alınıb".
Qeyd edək ki, Bəxtiyar Hacıyevə qarşı Cinayət Məcəlləsinin 221.2.2 (ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə xuliqanlıq) və 289.1 (məhkəməyə hörmətsizlik etmə) maddələri ilə ittiham irəli sürülüb.
Xətai rayon Məhkəməsinin qərarı ilə Bəxtiyar Hacıyev barəsində həbs qətimkan tədbiri seçilib.
Son xəbərlər
Ən çox oxunanlar
- Bu gün
- Bu həftə
- Bu ay