Məlum olduğu kimi, Azərbaycanın keçmiş Baş naziri, qiyamçı polkovnik Surət Hüseynov 64 yaşında İstanbulda vəfat edib.

Gundem.az xəbər verir ki, Surət Hüseynovun köməkçisi Könül Rafiqqızı BBC-yə açıqlamasında bir il əvvəl Surət Hüseynovun müayinə olunmaq üçün Türkiyədə bir xəstəxanaya müraciət etdiyini, ona öd kisəsində daş olduğu deyildiyini, buna inanmadığı üçün o, başqa xəstəxanaya müraciət etdiyini və əvvəlki diaqnozun orada təsdiqlənmədiyini bildirib.

Onun dediyinə görə, Türkiyədə müalicəni dayandırandan sonra tədricən səhhəti qaydasına düşsə də, tam sağala bilməyib: 

"Bizə məlum olmayan səbəbdən 1 il ərzində zəiflədi və şam kimi əridi. İstər Türkiyədə, istər Rusiyada analizlər heç bir ölümcül xəstəlik üzə çıxarmadı. Mən onun qidayla ardıcıl zəhərləndiyi düşüncəsindəyəm", - o deyib.