İkinci aydır ki, Azərbaycanda maaşlarda artım sürəti zəifləyir. 

Gundem.az xəbər verir ki, 2024-cü ilin yanvar-aprel ayları ərzində Azərbaycanda ortaaylıq əməkhaqqı 10,2 faiz artmışdı. Maaşlarda artım sürəti bu ilin yanvar-may ayları ərzində 9,4 faizə, yanvar-iyunda isə 8,8 faizə geriləyib. 
Orta əməkhaqqında artım sürətinin zəifləməsi maaşlardakı artımın dayanması ilə bağlıdır. Apreldə orta əməkhaqqı 1007 manata yüksələndən sonra tədricən azalaraq iyunda 1002 manat olub. Əməkhaqqının artmaması maaşlardakı artım sürətini zəiflədib. 
Qeyd edək ki, Azərbaycanda orta əməkhaqqının artım sürəti pensiyaların da artım sürətinə təsir edir. Hər ilin fevralın əvvəlində orta əməkhaqqında artım sürətinə uyğun olaraq pensiyalar da artırılır. Əgər orta əməkhaqqında artım sürəti bu il aşağı olarsa, o halda peniyalarda da artım zəif olacaq.  (Sfera.az)