Azərbaycanın daşınmaz əmlak sektorunda qabaqcıl şirkətlərdən olan “Baku City Residences” daha bir mükafata layiq görülüb.

Gundem.az xəbər verir ki, “Baku City Residences” “İnşaatçı Mükafatları 2025” mərasimində “Dayanıqlı inşaat şirkəti mükafatı”nı qazanıb.

Şirkət bu mükafata yaşıl inşaat prinsiplərinə sadiqliyi və davamlı inkişaf istiqamətində atdığı addımlara görə layiq görülüb.

Xatırladaq ki, “Baku City Residences” daha əvvəl də bir sıra nüfuzlu mükafatlar qazanıb. Belə ki, şirkət 2023-cü ilin avqustunda dünyaca nüfuzlu “STEVIE” Beynəlxalq Biznes Mükafatını qazanıb.

Bundan əlavə, “Baku City Residences”in digər layihəsi “Kempinski Residences Bayıl Bay” yaşayış kompleksi “Bina Memarlığı üzrə Beynəlxalq Əmlak Mükafatı” və “Beynəlxalq Əmlak Mükafatı 2024” çərçivəsində “Asiya-Sakit Okean regionunun ən yaxşı layihəsi” olmaqla iki beynəlxalq mükafatla təltif edilib.

“Bina Memarlığı üzrə Beynəlxalq Əmlak Mükafatı” və “Beynəlxalq Əmlak Mükafatı 2024” (International Property Award) çərçivəsində “Asiya Sakit Okean regionunda ən yaxşı əmlak layihəsi” mükafatları ilə qiymətləndirilib.

“Baku City Residences” haqqında:

“Baku City Residences” Bakıda yüksək keyfiyyətli yaşayış və kommersiya obyektlərinin inşası üzrə ixtisaslaşmış aparıcı daşınmaz əmlak şirkətidir. Şirkət paytaxtın müxtəlif bölgələrində uğurla reallaşdırdığı nüfuzlu layihələrlə tanınır. Bu layihələr arasında “Baku City Residences Koroğlu”, “Baku City Residences Khatai”, “Baku City Residences Olimpik”, “Shusha City Residences”, “Kempinski Residences Bayıl Bay”, “Yacht Club Residence” kimi prestijli komplekslər yer alır.