"İybilmə, qoxu hissinin itməsi halı ilə çoxları qarşılaşıb. Təbii ki, bu hal əksər hallarda müvəqqəti xarakter daşıyır. Qoxu hissiyyatı hansı hallarda itə bilər? Belə hallarda nə etmək lazımdır?

Gundem.az SİA-ya istinadən məsələ ilə bağlı həkim-infeksionist Namiq Nəbiyevin fikirlərini öyrənib.

Onun sözlərinə görə, qoxu hissinin itməsi əsasən son zamanlar koronavirus xəstəliyi ilə bağlı əlaqələndirilir: "Çünki bildiyimiz kimi, koronavirus keçirən insanlarda dadbilmə, iybilmə funksiyaları yox olur".

Həkim sözlərinə belə davam edib: "Bunun üçün məsləhətdir ki, xəstə koronavirusdan analiz versin. Əgər doğurdan dadbilmə, iybilmə itibsə buna uyğun tədbir görülməlidir".