"Ölkədə tibb sahəsi üzrə proqramların təkmilləşdirilməsinə, təcrübə hissəsinin artırılmasına, eyni zamanda tibb təhsili coğrafiyasının genişlənməsinə ehtiyac var".

Gundem.az xəbər verir ki, bunu Bakıda keçirilən Tibb Təhsili üzrə 8-ci Beynəlxalq Konfransın açılış mərasimində təhsil naziri Emin Əmrullayev deyib. O qeyd edib ki, bu günədək tibb təhsili sahəsində bir sıra nailiyyətlər əldə edilib: "Həkimlik ixtisasını seçənlər ən yüksək nəticə göstərənlərdir.

Yəni ölkədə istedadlı insanlar tibb təhsilini seçir. Rəqəmsal və texnologiya baxımından əvvəlki illərin həkimi ilə indikilər arasında ciddi fərq olacaq".