Pekin Universitetinin Təməl Tibb Elmləri Məktəbinin alimləri aşkar ediblər ki, antikor yığılması erkən qocalma üçün hərəkətverici qüvvədir.  
Gundem.az xəbər verir ki, bu barədə "Metabolism" jurnalında dərc olunan məqalədə bildirilib.

Tədqiqatçılar sübut ediblər ki, artıq immunoqlobulin anticisimləri (IgG) qocalmada rol oynayır və İgG hətta gənc yaşda da insanın piy toxumasında yığılmağa başlayır. Ağ yağ toxumasında həddindən artıq immunoqlobulin fibroza, iltihaba və insulin müqavimətinə səbəb ola bilər.

Yaşlanmanın bir aspekti maddələr mübadiləsinin nəzərəçarpacaq dərəcədə azalmasıdır, metabolik sağlamlıq isə yüksək həyat keyfiyyətini və bədənin sağlam fəaliyyətini mümkün qədər uzun müddət saxlamaq üçün lazımdır. Məlum olub ki, kalorilərin məhdudlaşdırılması yağ toxumasında IgG-nin yığılmasına kömək edən bəzi prosesləri ləngidə və hətta geri qaytara bilər. Bu da ümumi metabolik sağlamlığı dəstəkləyir. Beləliklə nəticələr göstərib ki, IgG qocalmada gizli günahkardır.