İranın bu gün səhər həyata keçirdiyi ballistik raket hücumu nəticəsində İsrailin cənubunda yerləşən Beerşeva şəhəri və ətraf ərazilər hədəfə alınıb.

Gundem.az xarici mediaya istinadən xəbər verir ki, hücum zamanı "Microsoft"un ofis kompleksinin yaxınlığına düşən raket böyük dağıntılara və yanğınlara səbəb olub.

Yerli media və fövqəladə hallar xidməti əməkdaşlarının verdiyi məlumata görə, yanğınsöndürənlər alovları nəzarətə almaq üçün əraziyə cəlb edilib. 

Məlumata görə, "Microsoft" korporasiyasının regional ofisinin yaxınlığında partlayış baş verib. Bildirilir ki, binaya ciddi ziyan dəyib, partlayış dalğası bütün pəncərələri uçurub, zərbə yerində yanğın başlayıb. Ən azı 18 nəfər yaralanıb.

Hadisə regionda gərginliyin daha da artmasına və beynəlxalq ictimaiyyətdə genişmiqyaslı münaqişə qorxularına səbəb olub. Qlobal güclər tərəfləri təmkinli davranmağa çağırır.

•