"Yeni Vanqa" Ryo Tatsuki kitabının 5 iyul 2025-ci il tarixində Qiyamət günü ilə bağlı yenilənmiş versiyasında qəribə və qorxulu proqnoz verib. 

Gundem.az bildirir ki, onun yeni nəşrinə görə, məhz bu gün Yaponiyada böyük fəlakət baş verəcək.

Tatsuki nə baş verəcəyini dəqiqləşdirməsə də, onun bəyanatı daha sonra viral olub. Tarix aktiv şəkildə müzakirə edilir və sosial şəbəkələrdə paylaşılır. Qeyd edilir ki, həyəcanverici peyğəmbərlik Yaponiyada və ondan kənarda ciddi narahatlıq doğurub.

Sosial media çaxnaşma içindədir, səyahətçilər ehtimal edilən hadisədən həftələr əvvəl səfərlərini ləğv edirlər. Proqnozun qeyri-müəyyən olmasına baxmayaraq, Tatsukinin əvvəlki peyğəmbərliklərinin gerçəkləşməsi çoxlarını qorxudur.

"Yeni Vanqa" Ryo Tatsuki kimdir?

Ryo Tatsuki yuxuya əsaslanan peyğəmbərlikləri sənətlə birləşdirməklə məşhurlaşıb. O, əvvəllər COVID-19 pandemiyası, şahzadə Diananın ölümü və 2011-ci ilin martında Tohoku zəlzələsi və sunami də daxil olmaqla bir sıra mühüm hadisələri proqnozlaşdırıb.

Kitabının 2021-ci il buraxılışında o, 5 iyul 2025-ci ildə Yaponiyada "böyük fəlakət"in baş verəcəyini proqnozlaşdırıb. Qeyri-müəyyən ifadələrə baxmayaraq, peyğəmbərlik xüsusilə sosial mediada geniş şəkildə paylaşılıb. Zaman keçdikcə onun kitabları populyarlıq qazanıb.

Bir çox yaponlar onun proqnozuna maraqla, həm də həyəcanla reaksiya verirlər. Ölkədə baş verə biləcək böyük faciə xəbərdarlığının özü xüsusilə turistlərdə qorxu yaradıb.

Səyahətçilər Yaponiyaya səfərlərini ləğv edirlər

Artıq iqtisadi təsir hiss olunur. "Bloomberg Intelligence"in təhlilinə görə, iyulun əvvəlində səyahət sifarişləri kəskin şəkildə azalıb. Honq-Konqdan otel və uçuş sifarişləri 50 faizdən çox azalıb. Vyetnam, Tailand və Çindən isə 83 faizə qədər azalıb. Pandemiyadan hələ də özünə gəlməyə çalışan Yaponiyanın turizm sənayesi ciddi zərbə alıb.

Artan çaxnaşma fonunda Yaponiya rəsmiləri sakitliyə çağırır. Miyaqi prefekturasının qubernatoru Yoşihiro Murai deyib: "Narahat olmağa heç bir əsas yoxdur, yaponlar xaricə qaçmır. Ümid edirəm ki, insanlar şayiələrə inanmayacaq və bura gəlməyə davam edəcəklər".  /Lent.az