Avstriya bu il dünyanın ən turistik ölkəsi seçilib.

Gundem.az xəbər verir ki, "MoneyTransfers"in son araşdırmasına görə, ölkədə bir yerli sakinə 3,6 əcnəbi ziyarətçi düşür - 8,9 milyon əhalisi olan Avstriya hər il 31,9 milyon xarici turist cəlb edir.

Reytinqdə sonrakı yerləri Honq-Konq və Yunanıstan tutur. Eyni zamanda, Phuket (Tailand) dünyanın ən çox yüklənən turizm şəhəri kimi tanınıb, burada hər yerli sakinə 118,5 turist düşür. Maraqlıdır ki, dünyanın ən çox turist axını olan ilk 3 şəhəri eksklüziv olaraq Tailand şəhərləri tərəfindən formalaşdırılıb: Pattaya ikinci yerdə (yerli başına 98,7 turist), Krabi üçüncü yerdə (hər sakinə 72,2 qonaq) qərarlaşıb.

İlk onluqdakı Avropa şəhərləri  

Yunanıstanın Heraklion şəhəri hər yerli sakinə 22 turist göstəricisi ilə yeddinci yerdədir. Yunanıstanın digər şəhəri Rodos isə hər bir vətəndaşa 20,3 qonaq olmaqla 9-cu yeri tutub.

Səkkizinci yeri İtaliyanın Venesiyası tutub, burada hər yerli sakinə 21,3 əcnəbi ziyarətçi düşür.

Eyni zamanda, dünyanın ən az sıx olduğu ilk 3 şəhəri Rio-de-Janeyro (Braziliya), Buenos-Ayres (Argentina) və Pekin (Çin) formalaşdırıb.

Lent.az