“Paytaxtın mərkəzində xeyli küçədə maksimal hərəkət sürətinin 30 km/saat müəyyən edilməsi əslində heç nəyi dəyişməyəcək”.

 

Gundem.az bildirir ki, bunu nəqliyyat eksperti Ərşad Hüseynov deyib.

 

O, yeni qaydanın məqsədinin 2021-ci ildən dünyada geniş müzakirə edilən və bəzi ölkələrdə tətbiq edilən təhlükəsizlik tədbirinə qoşulmaqdan ibarət olduğunu deyib

 

“Hamımız gözəl bilirik ki, siyahıdakı küçələrdə nəqliyyatın real faktiki sürəti hətta 20 km/saat-dan da aşağıdır. Bunu nəzərə alaraq, son dəyişikliyi zarafat da hesab edə bilərik: Demək istəyirlər ki, bacarırsınızsa, 30-la sürün. Bu dəyişikliyin sadəcə bir effekti ola bilər: sürücülərimizə yüksək sürətin təhlükəli olduğunu xatırlatmaq".

 

Xatırladaq ki, ötən günlərdə Bakı Nəqliyyat Agentliyi (BNA) 33 küçədə sürət həddinin 30 km/saata salındığı ilə bağlı açıqlama yayıb. 

 

Rəsul