Bakıda pakistanlı musiqiçinin texniki avadanlıqları oğurlanıb.

“Qafqazinfo”nun əldə etdiyi məlumata görə, uzun müddətdir Bakıda yaşayan Pakistan vətəndaşı, 1957-ci il təvəllüdlü Uddin Asfer Saeed polisə müraciət edərək Azad adlı şəxsin onun musiqi alətlərini oğurladığını bildirib. O qeyd edib ki, həmin şəxs alətləri Səbail rayonu ərazisində götürüb. Şikayətçi alətlərin dəyərinin 5500 manata bərabər olduğunu qeyd edib.

Faktla bağlı Səbail RPİ-nin 9-cu Polis Bölməsində araşdırma aparılır.

Qeyd edək ki, uzun müddətdir Bakıda yaşayan pakistanlı musiqiçi burada fəaliyyətini davam etdirir. O, ölkədə həyata keçirilən bir sıra musiqi layihələrinin də müəllifi olub.