Zaqatalada 5  otaqlı fərdi yaşayış  evi yanıb.
Gundem.az  xəbər verir ki,vyanğın hadisəsi bu gün axşam  saatlarında  rayonun Əliabad qəsəbəsində, qəsəbə  sakini Fatimə İsa qızı Arzumanova  məxsus, ümumi sahəsi 120 kv/m olan kürsülü birmərtəbəli 5 otaqdan ibarət fərdi yaşayış evində baş verib. 

Yanğının söndürülməsi üçün əraziyə Fövqaladə Hallar Nazirliyinin Zaqatala rayon Dövlət Yanğından Mühafizə Hissəsinin  yanğınsöndürən maşınları və  şəxsi heyətləri cəlb edilib.

Yanğın nəticəsində evin  yanar konstruksiyaları içərisində olan ev əşyaları ilə birlikdə tamamilə yanıb. Evin yaxınlığındakı digər tikililər yanğından xilas edilib. Yanğın zamanı xəsarət alan olmayıb.

Faktla bağlı araşdırma aparılır.