"Bayern Münhen"in yeni baş məşqçisi Tomas Tuxelin maaşı bəlli olub.

Sport Bild xəbər verir ki, almaniyalı mütəxəssis hər mövsüm təxminən 10-12 milyon avro qazanacaq.

Tuxelin təyinatı rəsmi olaraq martın 24-də elan edilib. O, komandanın sükanı arxasında Yulian Nagelsmanı əvəzləyib. Tərəflər arasında 2025-ci ilin ortalarına qədər hesablanan anlaşma imzalanıb.

“Bayern” Almaniya Bundesliqasında turnir cədvəlinin ikinci pilləsində qərarlaşıb. Münhen klubu Çempionlar Liqasının 1/4 finalında "Mançester Siti" ilə qarşılaşacaq./Fanat.Az