​​​​​​"Mançester Yunayted" niderlandlı baş məşqçi Erik ten Haaqla yolları ayırsa, ona böyük məbləğdə təzminat ödəməli olacaq.

Gundem.az  xəbər verir ki, təzminatın məbləği 15 milyon funt-sterlinqdən çox olacaq. Mütəxəssisin klubla hazırkı müqaviləsi 2025-ci ilin yayına kimi nəzərdə tutulub. Onun şərtlərinə görə, Erik ildə təxminən 9 milyon funt sterlinq qazanır. İşdən çıxarılacağı təqdirdə “şeytanlar” müqavilə şərtlərinə görə ona almalı olduğu bütün maaşı verməyə borcludurlar.

Klub həmçinin, Haaqın bütün məşqçilər heyətində yer alan 10 nəfərə də təzminat ödəməli olacaq.

Qeyd edək ki, “Mançester Yunayted” bu mövsüm keçirdiyi 15 oyunun 8-də məğlub olub. Bu, klub tarixində mövsümün ən pis startlarından biridir.