Bayern"in yarımmüdafiəçisi Tomas Müller karyerasını "Mançester Yunayted"də davam etdirə bilər.

Gundem.az  publika.az-a istinadən xəbər verir ki, bu barədə "Get German Football" məlumat yayıb.

Mənbənin sözlərinə görə, 34 yaşlı futbolçu Münhen klubu ilə yeni müqavilə ilə bağlı razılığa gələ bilməsə, MY onun transferi üçün hərəkətə keçə bilər.

Qeyd olunur ki, Mançester təmsilçisi daha əvvəl də almaniyalı forvardın xidmətində maraqlı olsa da, o, İngiltərə çempionatında çıxış etməkdə maraqlı olmayıb.

"Mançester Yunayted"in baş məşqçisi Erik ten Haq Müllerin təcrübəsinin klubun uğurlu yola qayıtmasına kömək edəcəyinə inanır.

Qeyd edək ki, 34 yaşlı futbolçunun özü də ən azı 2025-ci ilə qədər Çempionlar Liqasında oynamağa davam etmək istəyir. Buna görə MLS və Səudiyyə Ərəbistanından gələn əla təkliflərdən imtina edib.