Jurnalist və teleaparıcı Pirs Morqan İngiltərə çempionatının 33-cü turunun "Aston Villa" ilə oyununda (0:2) "Arsenal"ın məğlubiyyətini şərh edib.

Gundem.az-ın xəbərinə görə, o, Ronaldonun klubda olmamasına təəssüfllənib:

"“Arsenal”ın uyğun hücumçuya sahib olmaması komandanı bu günə salır. İlk hissədə o qədər şans oldu, lakin heç biri reallaşmadı. Məncə, Ronaldo "Arsenal"da bir mövsümdə 25-dən çox qol vurardı. Artetanın ən yaxşı hücumçusuna üstünlük verməkdən imtina etməsi onun ən böyük qüsurudur”.

Hazırda "Arsenal" İngiltərə çempionatının turnir cədvəlində 71 xalla ikinci yerdədir. Komanda lider “Mançester Siti”dən 2 xal geri qalır. Növbəti turda “Arsenal” “Vulverhempton”la qarşılaşacaq. Qarşılaşma aprelin 20-də baş tutacaq. (Sfera.az)