Türkiyə Somalinin dəniz sahillərində neft axtarışına başlayacaq.

Gundem.az Türkiyə mediasına istinadən xəbər verir ki, axtarış işləri “Oruç Rəis” kəşfiyyat gəmisi vasitəsilə aparılacaq.

Gəminin bu həftənin şənbə günü Prezident Rəcəb Tayyib Ərdoğanın da iştirak edəcəyi təbirdən sonra yola salınması nəzərdə tutulub. “Oruç Rəis” Somali sahillərində ilk dəfə olaraq seysmik tədqiqatlar aparacaq. Təxminən 7 ay davam etməsi gözlənilən fəaliyyət zamanı “Oruç Rəis” həm təbii qaz, həm də neft üçün məlumat toplayacaq.

Toplanan məlumatlar Ankarada təhlil ediləcək və nəticələrdən asılı olaraq müəyyən edilən yerlərdə qazma əməliyyatlarına başlanacaq.