Bahalaşmanın təsirini azaltmaq üçün nə etməli? – Vüqar Bayramovdan təklif
“Dövlət Statistika Komitəsinin məlumatına görə bu ilin ilk dörd ayında istehlak bazarında qiymət artımları 12.4% olub. Eyni zamanda inflyasiyanın strukturuna fikir versək, ərzaq məhsullarını 17.4%, qeyri ərzaq məhsulları 6.4%, xidmətlər isə 12.4% bahalaşıb. Bu onu göstərir ki, ərzaq məhsullarının qiyməti qeyri-ərzaq məhsuları və ximətlərlə müqayisədə daha çox artıb”.
Bu sözləri Gundem.az-a iqtisadçı deputat Vüqar Bayramov son aylarda ölkədə yaşanan bahalaşma tendeniyasının daxili və xarici səbəblərini şərh edərkən deyib.
Onun sözlərinə görə, ərzaq məhsullarında qiymət artımın yaşanmasının əsas səbəbi idxal olunan ərzaq məhsullarının qiymətindəki artımlarla bağlıdır:
“Dünya bazarındakı qiymət artımları həm də idxal inflyasiyası üzərindən yerli məhsulların qiymətinə təsir göstərib. İnflyasiya səviyyəsindəki artımlar, o cümlədən ərzaq məhsullarının qiymətinin artması ailə büdcəsinə təsir göstərir. Qiymət artımının olması ailə büdcəsi üçün əlavə xərcin artması anlamına gəlir.
Ümumiyyətlə biz inkişaf etmiş olkələrdə olduğu kimi ailə büdcəsinin planlaşdırılmasının tərəfdarıyıq. Mən bir iqtisadçı olaraq hər zaman bunu təklif edirəm. Bu gün də bunu dəstəkləyirəm. Bundan başqa qiymət artımının aztəminatlı ailələrin ailə büdcəsinə təsirini minimuma endirmək üçün təbdirlərin həyata keçirilməsini təklif edirik. Hətta bu istiqamətdə 2022-ci ilin dövlət büdcəsindən 14 milyard manat vəsait ayrılacaq“.
Turan Rzayev
Son xəbərlər
Ən çox oxunanlar
- Bu gün
- Bu həftə
- Bu ay