Azərbaycanın buğda ilə özünütəminatı orta hesabla 59-60 faiz səviyyəsindədir.
 

Gundem.az xəbər verir ki, bu haqda informasiyanı Kənd Təsərrüfatı Nazirliyinin Aqrar Tədqiqatlar Mərkəzi yayıb.

Qurumun direktoru Firdovsi Fikrətzadə bildirib ki, Azərbaycanda hər il orta hesabla 2 milyon ton buğda istehsal olunur:

"İl ərzində 1,3 - 1,4 milyon ton buğda idxal olunur. Azərbaycanın buğda ilə özünütəminatı orta hesabla 59­60 faiz səviyyəsindədir. Bu da o deməkdir ki, biz buğdaya tələbatın 40 faizini idxal hesabına ödəyirik. Azərbaycanın un üçün buğdaya görə idxal göstəricisi 40 faizdən bir az artıqdır".