"Oğlum, qızım hamımız bir evdə yaşayırıq. Yatanda hamı öz otağına keçir. Mənim bacım, qardaşım olmayıb. Ev şəraitini elə seçmişəm ki, hamı yanımda olsun. Bir də insan tək olanda qəmə köklənir. Amma ətrafında çox adam olanda xəstələnəndə biri gəlir dərman verir, başını ovxalayır".

Gundem.az Axşam.az-a istinadən xəbər verir ki, bu sözləri Əməkdar artist Cavanşir Məmmədov "Üzə düz" proqramında deyib. Müğənni ailəsi ilə bağlı etiraflar edib. Gəlinindən danışan Məmmədov evdə qoyduğu qadağalardan bəhs edib:

"Gəlinim iki həftədən bir oğluma deyir ki, olar atam evinə gedim. Bu qanunu biz qoymuşuq. Hərdən yoldaşıma da deyirəm ki, get qardaşıngilə. Fikri dağılsın. İnsan bir-birindən doymamalıdır. Bir gün oğluma dedim ki, heç həyat yoldaşınla dalaşmırsız? Bir yerdə yaşamaq çox çətindir. Elə etməlisən ki, hamı səndən razı qalsın".