“Bir neçə gün öncə Azərbaycan İncəsənət Muzeyində Mikayıl Abdullayevin fərdi sərgisində təsadüfən öz şəklimi gördüm. Şəkildə sağ tərəfimdə Mikayıl Abdullayev, solumda isə Bəhram Mansurov dayanmışdı. “Leyli” olduğum zamanın səhnə tərtibatını Mikayıl bəy veribmiş”. 

Gundəm.az xəbər verir ki, bu sözləri Xalq artisti Flora Kərimova instaqramda yazıb. 

Arxiv fotoları arasından “Leyli” obrazını izləyiciləri ilə bölüşən sənətçi qeyd edib ki, kadrlarda mərhum sənətçilər Xalq artisti, tarzən Bəhram Mansurov və Xalq rəssamı Mikayıl Abdullayev yer alıb. F.Kərimova illər əvvəl lentə alınan görüntüləri belə şərh edib:

“Düşündüm ki, dahilərin əlindən tutub səhnəyə çıxardığı insan olmaq bir başqa xoşbəxtlikdir sənətkar üçün!”