Rejissor Aqil M. Quliyev məhkəməyə verilib.

Gundem.az xəbər verir ki, onun barəsində İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi xüsusi icraat qaydasında iddia qaldırıb. 

Aqil M. Quliyev bir müddətdir vergi borcunu ödəmədiyi üçün adıçəkilən dövlət qurumu məhkəməyə müraciətində onun ölkədən çıxışına müvəqqəti qadağa qoyulmasını tələb edib. 

Şikayətə Bakı Kommersiya Məhkəməsində hakim Ülkər Həsənova tərəfindən baxılacaq.

Rejissor Lent.az-a açıqlamasında məsələdən xəbərdar olduğunu bildirib: “Sənədləşmə işlərində problem yaranıb. İllərdir işləmirəm. Vergi borclarım toplanıb. Bu barədə başqa söz demək istəmirəm”.