Əməkdar artist Lalə Məmmədova ötən ay dünyasını dəyişən atası Nadir Məmmədovla bağlı paylaşım edib.  

Gundem.az  xəbər verir ki, sənətçi mərhum valideyni ilə çəkilən fotoları video şəklində düzəldərək sosial şəbəkə hesabında yayımlayıb.  

Lalə izləyiciləri ilə bölüşdüyü görüntülərə “Ata” qısa şərhini yazıb.  

Xatırladaq ki, Lalə Məmmədova bir müddət əvvəl müsahibəsində valideyni N. Məmmədovun “Altsheymer” xəstəliyindən əziyyət çəkdiyi bildirmişdi.

Əməkdar artistin sözlərinə görə, son üç ildə yaddaşını itirən atası hətta onu belə tanımırdı.    

Qeyd edək ki, Əməkdar artistin atası 1982-ci ildən Bakı Dövlət Universitetində çalışıb. O, Xarici ölkələrin iqtisadi-siyasi coğrafiyası və turizm kafedrasının professoru olub.