Fədayə Laçın Kanal S-də yayımlanan "Xəbərin var?” verilişinə qonaq olub.

Gundem.az xəbər verir ki, həbsdən çıxdıqdan sonra həyatının dəyişdiyini deyən sənətçi, əməllərindən peşmanlıq duyduğunu etiraf edib.

"Həbsxana həyatı məndə çox şeyi dəyişib. Əvvəl etdiyim səhvləri indi etmirəm. Çox səhvim olub. Özümə dəyər verməmişəm. Kiminlə bir stəkan çay içmişəmsə, gedib toyunu pulsuz oxumuşam. Utanmışam onunla pul danışmağa. Amma o, məni pulsuz oxutdurmağa utanmayıb. Ona görə də heçnəyim yoxdu indi. Pullarımı dağıtmışam ora-bura. Gərək mən də hamı kimi yığardım, özümə gün ağlayardım”.

Müğənni, ona dəstək olan həmkarlarını da unutmayıb.

"O qədər yaxşılıq etdiyim adamlar oldu ki, pis günümdə heç yanımda olmadılar. Mən adi insanları deyirəm, sənət dostlarımı yox. Mənə dəstək olan sənət dostlarım da çox oldu. Nadir Qafarzadə, Nazilə Səfərli, Manaf Ağayev, Ruhi Əliyeva. Kiminsə adını çəkməsəm məndən inciyərlər. Amma əsas odur ki, nə yaxşılıq, nə də pislik edənləri unutmuram və əvvəlki səhvlərimi artıq eləmirəm. Ağıllanmışam”.