Dünyanın ən yaşlı insanı Mariya Branyas Morera 117 yaşında vəfat edib.

Gundem.az “Daily Mail”ə istinadən xəbər verir ki, qadın İspaniyada dünyasını dəyişib. 

Onun son 20 il ərzində qocalar evində yaşadığı qeyd olunub. 

M.Morera 1907-ci ilin martında Kaliforniyada dünyaya gəlib, 8 yaşı olarkən ailəsi ilə birlikdə İspaniyaya köçüb və bütün həyatını burada yaşayıb. Həkimlə evli olan Mariyanın 3 övladı olub. O, 2023-cü ilin yanvarında Ginnesin Rekordlar Kitabının versiyasına görə dünyanın ən yaşlı insanı elan edilib. 

Moreranın ölümündən sonra hazırda dünyanın ən yaşlı insanı 1908-ci ilin mayında Yaponiyada doğulan Tomiko İtooka adlı qadındır. Onun hazırda 116 yaşı var.