Bəzi bürclər var ki sanki tale onları həmişə çətinliklərlə sınağa çəkir. Onlar tez-tez emosional çətinliklər yaşayır, həyatdan şikayət edir və özlərini xoşbəxt hiss etməkdə çətinlik çəkirlər. Astroloqlar bildirir ki, xüsusilə 3 bürc həmişə dərdlə üz-üzə qalır.

Gundem.az kədərli və üzüntülü bürcləri təqdim edir:

Balıqlar

Balıqlar bürcü həssas və emosional insanlardır. Onlar tez inciyir, başqalarının dərdinə şərik olur və öz problemlərini dərindən yaşayırlar. Xüsusilə, xəyal qırıqlıqları onları uzun müddət sarsıda bilir. Əgər balıqlar bir dəfə məyus olubsa, o hissi uzun müddət unuda bilmir və daim keçmişi xatırlayaraq kədərlənir.

Əqrəb

Əqrəblər xarici görünüşdə güclü və sərt təsir bağışlasalar da, iç dünyalarında böyük çətinliklər yaşayırlar. Onlar emosiyalarını gizlədir, amma ürəklərində daima bir narahatlıq hiss edirlər. Xəyanət və etimadsızlıq əqrəbləri ən çox incidən hallardandır. Bu bürcün nümayəndələri bir dəfə xəyanətlə üzləşsə, uzun müddət toparlanmaqda çətinlik çəkir və keçmişi unuda bilmir.

Oğlaq

Oğlaqlar çox məsuliyyətli və ciddi insanlardır. Onlar həyatı ciddiyə alır və çox vaxt başqalarının qayğısına qalmaq üçün özlərini unudurlar. Çox işləmək və daim stress altında olmaq onları emosional olaraq tükəndirir. Həmçinin, oğlaqlar hisslərini başqalarına açmaqda çətinlik çəkdiyinə görə, problemlərini öz içlərində saxlayır və təkbaşına mübarizə aparırlar.(Yenisabah.az)