Göz qapaqlarının daxili səthinə göz qələmi və ya karandaş çəkmək göz quruluğuna səbəb ola bilər.

Gundem.az edilən makiyaj səhvlərini təqdim edir:

Niyə "su xətti" (waterline) makiyaj üçün düzgün yer deyil?

Bir çox insanlar göz formasını vurğulamaq və baxışı vizual olaraq genişləndirmək üçün, xüsusilə açıq rəngli karandaşlardan istifadə edirlər. Lakin kiprik xətti ilə göz alması arasındakı sahə təkcə dekorativ zona deyil — burada qoruyucu yağ təbəqəsini ifraz edən vəzilər yerləşir. Məhz bu yağ təbəqəsi gözü qurumaqdan qoruyur və nəmi saxlayır.

Kosmetika bu vəzilərin axacaqlarını bağladıqda və ya göz yaşına qarışdıqda, gözün qoruyucu təbəqəsinin tərkibini pozur. Bu isə yanma, qum hissi və xroniki quruluq hissinə gətirib çıxara bilər. Əgər vəzilərin axacaqları uzun müddət bağlı qalsa, onların funksiyası tamamilə itə bilər ki, bu da göz sağlamlığına ciddi zərər vurur.

Vəzlər işləmədikdə nə baş verir?

Göz daim üç növ mayeyə ehtiyac duyur: göz yaşı (su), selik və yağ komponenti. Yağ nəm saxlayan nazik bir təbəqə yaradır. Bu təbəqə olmadıqda, göz yaşları sürətlə buxarlanır və göz qıcıqlanma, infeksiya və yorğunluğa qarşı daha həssas olur.

Göz sağlamlığında gigiyena əsasdır

Karver xatırladır: makiyajı yatmazdan əvvəl mütləq təmizləmək lazımdır. Kosmetika gecə boyunca dərinə nüfuz edərək qıcıqlanmanı artıra və vəzilərin işini poza bilər.

Vaxtı keçmiş kosmetikadan ehtiyatlı olun

Köhnə və ya çirklənmiş məhsullar,  məsələn, tuş, göz layneri və kölgələr patogen bakteriyaların mənbəyinə çevrilə bilər. Bu isə kon'yunktivit, göz qapaqlarının iltihabı, arpa və digər göz infeksiyalarına səbəb ola bilər. Xüsusilə başqasının kosmetikasından istifadə etmək təhlükəlidir, bu, mikrobların və virusların yoluxması üçün birbaşa yoldur.

Təmiz fırçalar, yeni kosmetika və su xəttinə makiyaj çəkməkdən imtina -bunlar göz sağlamlığını qorumağa və gələcək problemlərin qarşısını almağa kömək edəcək sadə addımlardır. /Lent.az