Hazırda dünyada hər üçüncü şəxsdə yüksək qan təzyiqi müşahidə olunur. Böyük Britaniyadan olan həkimlər yüksək təzyiqi azalda biləcək məhsulların adlarını açıqlayıb.

Gundem.az Aztibb.az-a istinadən bildirir ki, daha çox meyvə, tərəvəz, süd və süd məhsulları qəbul etməyi məsləhət görüblər. Protein mənbəyi kimi ət, balıq, yumurta və paxlalılar göstərilir. Mütəxəssislər tərkibində çoxlu şəkər olan qida və içkilərdən uzaq durmağı məsləhət görüb.

İnsanın təzyiqi çox miqdarda yağların istehlakı səbəbindən yüksəlirsə, o zaman mütəxəssislər onları əvəz etməyi tövsiyə edirlər.

"Mono doymamış yağlar (məsələn, zeytun yağı, kanola yağı, badam, duzsuz anakardiya və avokado) və ya çoxlu doymamış yağlar (günəbaxan yağı və bitki yağları, qoz, günəbaxan toxumu və yağlı balıq daxil olmaqla) daha sağlam seçimdir", - deyə həkimlər vurğulayır.

Mütəxəssislər duzu az istifadə etməyi, onu təbii ədviyyatlar və aromatizatorlarsız souslarla əvəz etməyi məsləhət görüblər.