Kaliforniyada Stuart Lucas Murray adlı bir kişi “Tinder”də tanış olduğu 50 qadını böhtan və “cinsiyyət ayrı-seçkiliyi”nə görə məhkəməyə verib. 

Gundem.az Lent.az-a istinadən xəbər verir ki, o, qadınların onunla mənfi təcrübələr paylaşdığı sosial media qrupundan xəbər tutanda onları məhkəməyə vermək qərarına gəlib. 

“Onlar icazəm olmadan mənim fotolarımı paylaşıb, yerimi izləyib, məni təqib etməyə çalışıblar”, - Murray bildirib. 

Bütün bu yazılar onun “emosional sıxıntısı”na səbəb olub. Stuart iddia edir ki, qrupa qoşulmaq cəhdləri rədd edildiyi üçün o, ittihamlara cavab verə bilməyib. O, dəymiş ziyanı 2,6 milyon dollar qiymətləndirir.

Kaliforniya Ali Məhkəməsi cavabdeh Vanessa Valdezə qarşı açılan 50-dən çox iddiadan birincisini rədd edib.