Dünyaşöhrətli gitaraçı vəfat etdi
Britaniyalı gitaraçı-virtuoz, bəstəkar, yeddiqat “Qremmi” sahibi Ceff Bek dünyasını dəyişib.
Gundem.az xəbər verir ki, 78 yaşlı sənətçinin vəfatı barədə onun rəsmi tviter hesabında bildirilib.
Məlumata görə, C. Bek yanvarın 10-da bakterial meningitdən vəfat edib.
Qeyd edək ki, C. Bek karyerasının başlanğıcında “The Yardbirds” rok qrupunun üzvü olub, daha sonra 1967-ci ildə “The Jeff Beck Group” adlı şəxsi kollektivini yaradıb, bundan sonra solo çıxış edib, həmçinin digər ifaçılarla əməkdaşlıq edib.
C. Bekin yaradıcılığı rok musiqisinin blüz-rok, hard-rok, füjn və digər üslublarına böyük təsir göstərib. O, 1990-cı ildə “The Observer” qəzetinin sorğusunun nəticələrinə əsasən dünyanın ən görkəmli gitaraçısı seçilib. 2003-cü ildə “Rolling Stone” jurnalı onu bütün dövrlərin 100 ən görkəmli gitaraçısı siyahısına daxil edib. 2009-cu ildə isə C. Bekin adı Böyük Britaniyanın “Classik Rock” jurnalı tərəfindən analoji siyahıya salınıb.
Son xəbərlər
Ən çox oxunanlar
- Bu gün
- Bu həftə
- Bu ay