Ailə şirkətinin borclarına görə son zamanlar gündəmdən düşməyən Hadisənin sevgilisi Mehmet Dinçerler yazılı açıqlama verib. Borclarını vaxtında ödədiyini deyən Dinçerler heç kimə borcu olmadığını bildirib. 

Gundem.az Türkiyə mətbuatına istinaədn xəbər verir ki, Hadisə ilə sevgili olan iş adamı Mehmet Dinçler sevgilisinə 3 milyon TL-lik üzük təkliflə evlənmə tıklifi etmişdi. İddialara görə, vəkil “3 milyonluq üzük almaq yerinə borclarını ödəyərdi, kreditorlara ziyan vurur” deyib. 

Haqqında yayılan bu xəbərlərdən sonra İnstaqram hesabını bağlayan Mehmet Dinçerler “Twitter” hesabından yazılı açıqlama yayıb. Tanınmış iş adamı açıqlamasında borclarını ödədiyini bildirib: 

“Bu çətin prosesdə mənim heç bir kommersiya öhdəliyim olmasa da, ailəsinə və soyadına bəzi bank borclarına görə məsuliyyət hiss edən hər bir övlad kimi mən də təəssüf ki, zamin oldum. Bu səbəbdən şirkətimiz borcların yenidən qurulması üçün restoranın konkordat tələbi ilə birlikdə bəzi zaminlərimizə görə investorlarımızı və işçilərimizi qorumaq üçün 2019-cu ildə konkordat prosesinə girməli oldu.

Şəxsən mən və mənim şirkətim təsdiq edilmiş bütün ödəniş cədvəllərinə əməl etmişik və mənim bir dənə də qeydə alınan borcum yoxdur. Bundan əlavə, 2021-ci ildə şirkətim və zamin durduğum borcların demək olar ki, hamısını bağlamışıq (baxmayaraq ki, mənim və şirkətimin heç bir borcumuz yoxdur). Xəbərlərdə yer alan ödənilməmiş borclar və ya şirkətlə qohumluq əlaqələrimdən başqa heç vaxt şirkətlə ortaqlığım olmayıb.

İnanıram ki, bir övlad kimi üzərimə düşəni etmişəm və bundan sonra nə lazımdırsa, edəcəm; yalnız şirkətlər tam hüquqi şəxsdir və heç kimin borcu heç kimə bağlı deyil. Bu gün gəldiyimiz proses təbii ki, üzücüdür. Əminəm ki, bu kədərli hadisəni maqazin səhifələrinə çıxarmaq və haqsız reputasiyanı zədələmək heç bir əxlaqa sığmır”.

M.Dinçerlər Hadisədən ayrıldıqları ilə bağlı yayılan xəbərlərinə isə heç bir münasibət bildirməyib.