Rusiya ilə və Qərb ölkələri arasında Ukrayna ilə bağlı yaşanan siyasi gərginlik Rusiyanın maliyyə bazarına təsirsiz ötüşməyib, rubl dollara nisbətən yenidən ucuzlaşmağa başlayıb.

Bəs rublun dəyərsizləşməsi manata hansı təsir göstərəcək? İdxal olunan malların qiyməti ucuzlaşacaqmı?

Ekspert Əkrəm Həsənov qeyd edib ki, idxalda ciddi təsir göstərməsə də, Rusiyaya kənd təsərrüfatı məhsulları satanlar üçün problem yarana bilər.

“Rusiya rublunun, Türkiyə lirəsinin ucuzlaşmasının Azərbaycanın milli valyutasına heç bir birbaşa ciddi təsiri yoxdur. Əksinə, bu, o deməkdir ki, onların malları da bizim üçün ucuzlaşır”, - deyə Ə.Həsənov vurğulayıb.
Doğrudur, rublun ucuzlaşması idxal olunan malların qiymətini də ucuzlaşdırmalıdır. Amma Azərbaycan bazarında bununla bağlı proqnozlar özünü doğrultmur. Bəs bunun səbəbi nədir?

Ətraflı BAKU.TV-nin süjetini təqdim edirik: