Rusiya və Misirdən gələn təyyarələr İrəvana enə bilməyib.

Gundem.az xəbər verir ki, Ermənistan Mülki Aviasiya Komitəsinin rəsmisi Lilit Aqabekyan bu barədə məlumat verib.

Onun sözlərinə görə, təyyarələr Türkiyənin Ərzum və Gürcüstanın Tbilisi aeroportuna yönləndirilib.

"Səbəb pis hava şəraiti və Ermənistanın “Zvartnots” hava limanında görmə məsafəsinin 100 metrdən az olmasıdır. Saat 07:53-də Şarm əl-Şeyxdən uçan təyyarə Türkiyənin Ərzurum hava limanına enib. "Air Dilijans" layneri isə saat 6:45-də Tbilisiyə enib", - deyə o söyləyib.

Aqabekyan qeyd edib ki, Gürcüstan paytaxtından təyyarə artıq İrəvana uçmaq üçün qalxıb.