ABŞ-ın Ukraynaya hərbi yardım çərçivəsində göndərdiyi hərbi texnikanı daşıyan gəmi 12 mayda Yunanıstana çatacaq.

Gundem.az xəbər verir ki, bu barədə Yunanıstan KİV-də məlumat yayılıb.

Qeyd olunub ki, gəmi NATO silahlarının yerləşdirildiyi Aleksandrupolis limanına yanaşacaq. Buradan isə ABŞ və NATO-ya məxsus silahlar, hərbi texnika Ukraynaya göndəriləcək.

Aleksandrupolis limanına 12 mayda çatması planlaşdırılan “ARC INTEGRITY” gəmisi 24 apreldə Şimali Karolinadakı “Charleston”, 26 apreldə isə Baltimordakı “Dundalk” limanlarından hərbi texnika yükləyəcək və 10 may tarixində Monteneqronun “Bar” limanında dayandıqdan sonra Yunanıstana yollanacaq.