Slovakiya hakimiyyəti Ukrayna taxılının, eləcə də ondan hazırlanan unların emalı və satışını qadağan edib. 

Gundem.az xəbər verir ki, Slovakiyanın Kənd Təsərrüfatı və Regional İnkişaf Nazirliyindən verilən məlumata görə, buna səbəb Ukrayna taxılında Aİ-də təsdiq olunmayan və sağlamlığa mənfi təsir göstərən pestisidin tapılmasıdır. 

1.500 ton Ukrayna buğdasının analizinin aparıldığı bildirilir. Bratislava kimyəvi birləşmənin olması barədə Aİ ölkələrinin tərəfdaş kənd təsərrüfatı idarələrinə dərhal məlumat verəcək. Bundan əlavə, Ukraynadan Slovakiyada saxlanılan bütün taxıl və un nümunələri götürüləcək.

Bu qadağanın nə qədər müddətə qoyulduğu açıqlanmır. Bratislava qərar barədə Ukrayna səfiri Miroslav Kastrana, həmçinin, Vışeqrad qrupuna daxil olan ölkələrə (Slovakiya, Çexiya, Polşa və Macarıstan), Bolqarıstan və Rumıniyaya məlumat verəcək. Hələlik nazirlik Ukraynadan taxıl və taxıl məhsullarının idxalını tövsiyə etmir. 

Xatırladaq ki, bundan əvvəl Polşa bazarında ucuz Ukrayna taxılının artıqlığı yerli fermerlərin narazılığına səbəb olmuşdu. Etirazların fonunda Polşanın kənd təsərrüfatı naziri Henrik Kovalçik istefa verməli olub.