Bu ilin yanvar-mart aylarında neft məhsullarının istehsalı sahəsində istehsalın ümumi dəyəri 1 070 mln. manat olmaqla, əvvəlki ilin müvafiq dövrü ilə müqayisədə 0,5% artıb.

Dövlət Statistika Komitəsindən verilən məlumata görə, hesabat dövründə neft məhsullarının istehsalında sürtkü yağlarının istehsalı 31,6%, neft koksunun istehsalı 17,8%, avtomobil benzininin istehsalı 6,2%, qazoylların (dizel yanacağının) istehsalı 5,2% artıb.

Məlumata görə, yanvar-mart aylarında ölkədə ağ neft istehsalı 2,3%, neft bitumu istehsalı 44,9%, faiz, mazut istehsalı isə 91% azalıb.

Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.

Azərbaycanda neft məhsullarının dinamikası:

Məhsul növləri	2023-cü il, yanvar-mart	İllik müqayisə, %
Avtomobil benzini, min ton	349,5	106,2
Ağ neft, min ton	136,5	97,7
Dizel yanacağı, min ton	556,5	105,2
Yanacaq mazutu, min ton	3,1	9,0
Sürtkü yağları, min ton	15,4	131,6
Maye qazlar	70,8	99,2
Neft koksu; neft bitumu və neft məhsullarının digər qrupları, min ton	276,3	86,0
ondan:
Neft bitumu, min ton	39,6	55,1
Neft koksu, min ton	64,1	117,8