Rusiya sülhməramlı qüvvələrinin müvəqqəti məsuliyyət zonasında separatçı etnik ermənilərin başçısı Arayik Arutunyan Moskavaya gedib.

Sözügedən səfərlə bağlı Gundem.az-a danışan politoloq Məhəmməd Əsədullazadə Arutunyanın Rusiya rəsmiləri tərəfindən çağırılıdığını deyib:

“Rusiya rəhbərliyinin bu tip separtçıları Moskvada qəbul edib, təlimatlar verməsi birinci dəfə deyil. Abxaziya, Cənubi Osetiya separtçılarının başçılarını Moskva daim qəbul edib. Fikir versək, prezident İlham Əliyevin Ukraynaya səfəri, Şuşa Bəyannaməsinin Azərbaycan və Türkiyə parlamentləri tərəfindən təsdiqlənməsi, Azərbaycanın Avropa İttifaqı ilə enerji məsələsində razılığa gəlməsi Moskvada soyuq duş effekti yaradır. Qeyd edim ki, ötən gün Belarus prezidenti A. Lukaşenkonun ittifaq dövləti haqqında danışaraq Azərbaycanın bu ittifaqda çətin yer alcağını vurğulaması Moskvada rəsmi Bakının siyasətinin narahatlıqla qarşılandığı görünür. Bundan əlavə, GUAM-ın effektli fəaliyyətə keçəcəyi də razılaşdırılıb”. 

Politoloq hesab edir ki, bu üzdən də Kreml separatçıların əli ilə Qarabağda yeni oyunlar çevirmək niyyətindədir: 

“Məhz Azərbaycanın mülki maşınlarının "erməni polisi" tərəfindən yoxlanılması, separtçıların mütəmadi olaraq atəşkəsi pozması analoji təzyiq siyasətidir. İndi də Arayik Arutunyan Moskvaya çağırılıb. Təbii ki, Arayikin Moskva səfərinə başqa bir don geyindirilir”. 

Politoloq Arutunyanın erməni iş adamları ilə görüşərək Qarabağa investisiyaya cəlb etdiyini də deyib:

“A. Arutunyan burada erməni iş adamları ilə görüşüb Qarabağa investiya yatırması üçün danışıqlar aparır. Müharibədən sonra Qarabağda ermənilərin yaşadığı ərazilərə artıq erməni biznesmenləri vəsait ayırmır. Ona görə də Moskvanın taprşırığı ilə Rusiya erməni iş adamları etnik ermənilərin yaşadığı ərazilərə yatırım qoyması planlaşdırılır. Rusiya Qarabağ siyasətində digər alternativlərə əl atır. Moskva səfəridə Azərbaycana qarşı yönəlib. A. Arutunyanın belə səfərlərinin qarşısı alınmalıdır. Azərbaycan Rusiyanın bu siyasətinin qarşısını alması istiqamətində Türkiyə ilə birgə işi davam etdirəcək. Moskvanın bu siyasəti uğurlu olmayacaq”. 

Əzizə Zeynal