Kəşfiyyat rəhbəri Zelenskiyə sui-qəsdlərdən DANIŞDI
"Moskvada bir neçə dəfə Ukrayna prezidentinə sui-qəsd etmək üçün müəyyən əməliyyatlar hazırlayıblar”.
Gundem.az xəbər verir ki, bunu Ukrayna hərbi kəşfiyyatının rəhbəri Kirill Budanov TSN-ə müsahibəsində deyib.
"Hazırlıqlar diqqətlə planlaşdırılıb. Bir neçə dəfə ciddi cəhdlər olub. Lakin nəticədə görürsünüz ki, Ukrayna xüsusi xidmət orqanları kifayət qədər səmərəli işləyir və heç bir sui-qəsd baş tutmayıb. Müharibənin Rusiya Federasiyası ərazisinə keçirilməsi əla ideyadır. Amma biz Rusiya Federasiyası ilə eyni üsullarla işləmirik. Müharibə onların ərazisinə, təsiri olan ərazilərə keçirilməlidir", - o vurğulayıb.
"Əməliyyatlar nə qədər geniş olsa, bir o qədər yaxşıdır. Ukrayna Rusiya Federasiyasının siyasi proseslərinə müdaxilə etməyə borcludur. Bizim vəzifəmiz qərarların qəbul edildiyi idarələrdə baş verən hər şeyə hərbi kəşfiyyatın təsirini artırmaqdır. Çin Rusiyaya silah verməyə cəsarət etmir, ikili təyinatlı mal kimi PUA-lar və çiplər verir. Belarusa Su-27M təyyarələri üçün nüvə bombaları gətirilib. Biz Krıma girəndə belə heç bir nüvə zərbəsi olmayacaq", - deyə Budanov əlavə edib.
Kəşfiyyat rəhbəri heç bir zərərli vərdişinin və asılılığının olmamasından da danışıb. Belə ki, o, hətta qəhvə də içmir. Həyat yoldaşı isə enerji içkiləri içməyi qadağan edir.
Son xəbərlər
Ən çox oxunanlar
- Bu gün
- Bu həftə
- Bu ay