İrəvan və Bakı yaxın bir neçə ay ərzində sülh və münasibətlərin normallaşdırılması haqqında saziş imzalaya bilər

Gündəm.az xəbər verir ki, Ermənistanın Baş naziri Nikol Paşinyan sazişin bağlanması üçün mümkün şərtlər haqqında danışıb.

“Yaxın vaxtlarda Ermənistanın hüquq-mühafizə sistemində xüsusi bölmə yaradılacaq ki, onun funksiyası Ermənistan ərazisindən keçən beynəlxalq kommunikasiyaların, yüklərin, insanların və nəqliyyatın təhlükəsizliyini təmin etmək olacaq”.

Baş nazir deyib ki, Ermənistan 1991-ci il Alma-Ata Bəyannaməsinə uyğun olaraq ərazi bütövlüyünün qarşılıqlı tanınması, habelə sərhədlərin delimitasiyası əsasında Azərbaycanla sülh sazişi imzalamağa hazırdır.