Aktyor iki azyaşlı övladı ilə faciəvi şəkildə öldü
Aktyor Kristian Oliverin ailəsində dəhşətli faciə baş verib.
Gundem.az Axsam.az-a istinadən xəbər verir ki, o, iki azyaşlı qızı - 12 yaşlı Annik və 10 yaşlı Madita ilə təyyarədə qəzaya uğrayıb. "Daily Mail" yazır ki, yüngül mühərrikli təyyarə havaya qalxdıqdan bir neçə dəqiqə sonra Petite Nevis adası yaxınlığında Karib dənizinə düşüb.
Düşmə yüzlərlə insanın gözü qarşısında baş verib, onlardan biri hətta təsadüfən video çəkib. Nəşr yazır ki, hadisədən dərhal sonra xilasetmə xidməti qəza yerinə gedib. Onların həyatını xilas etmək mümkün olmayıb. Sahil mühafizəsi əməkdaşları cəsədləri tapıblar. Məlum olduğu kimi, sükanı idarə edən Kristian yox, peşəkar pilot da dünyasını dəyişib.
Xatırladaq ki, Oliver “Sürət yarışçısı”, “Muşketyorlar” filmləri sayəsində məşhurlaşıb. Sənətçinin bu il 52 yaşı tamam olacaqdı. Faciədən iki gün əvvəl o, sosial şəbəkələrdə çimərlikdən foto yayımlayıb.
Son xəbərlər
Ən çox oxunanlar
- Bu gün
- Bu həftə
- Bu ay