"Azərbaycanın ikinci Qarabağ müharibəsində qalib gəlmsəsi hazırda Rusiya sülhməramlı qüvvələrinin müvəqqəti nəzarət etdiyi ərazilərdə mövqeyinin güclənməsi İran hakimiyyətinin Azərbaycana düşmən siyasəti  sərgiləməsinə gətirib çıxarıb". 

Gundem.az xəbər verir ki, bunu politoloq Məhəmməd Əsədullazadə bildirib. O, Tehranın sərt bəyanat verməsini belə izah edib:

"Hazırda region ölkələrinin, həmçinin Ermənistanın da qəbul etdiyi yeni reallıqları Tehran rejimi qəbul etmək istəmir. Bunun əsas səbəbi Türkiyə Azərbaycan birliyinin formlaşaması fonunda Azərbaycanın güclənməsidir. 10 noyabr Birgə Bəyannamənin imzalanaması ilə başa çatan ikinci Qarabağ müharibəsinin ortaya çıxardığı geosiyasi reallıqlarını qəbul etməyəcəyini elan edən Tehranın əsas məqsədi "Zəngəzur" dəhlizinin açılmasına qarşı olmasıdır. Halbuki Zəngəzur dəhlizi iqtisadi əlaqələri nəzərdə tutur və  buradan İranın da istifadə etməsində heç bir problem görülmür.  İran "Zəngəzur" dəhlizini siyasiləşdirərək Türkiyə və Azərbaycan arasında  quru əlaqəsinin qurulmasını, bununla da regionda Ankaranın geosiyasi mövqeyinin güclənməsini qəbul etmir. Tehran sərt bəyanatalar verməklə, regionda destruktiv siyasət ortaya qoyub. Zəngəzurda İranın konsulluq açması məhz dəhlizə qarşı olduğunun göstəricisidir. Qeyd edim ki, İran Azərbaycana qarşı sosial şəbəkələr vasitəsilə anti-türk təbliğatı, ölkənin bütövlüyünə qarşı məzhəb siyasətindən istifadə edərək düşmənçilik siyasəti aparır. Bu gün  Ermənistanın edə bilmədiyini Tehran Azərbaycana qarşı edir. Zəngəzurda İran konsulluğu birbaşa SEPAH-ın qərargahıdır və buradan Azərbaycanın fəaliyyəti izlənilir".  

Ekspert İranın siyasətinin nəticəsiz qalacağını sözlərinə əlavə edib:

"Qeyd edim ki, İranın Azərbaycana qarşı siyasəti nəticə verməyəcək. Bir neçə gündən sonra "Şimal Cənub Nəqliyyat" dəhlizi üzrə Azərbaycan, Rusiya və İran nümayəndə heyəti görüşü keçiriləcək. Burada İranın Zəngəzur dəhlizi məsələsində tutduğu mövqe müzakirə ediləcək. Bir neçə gündən sonra "Şimal Cənub Nəqliyyat" dəhlizi üzrə Azərbaycan, Rusiya və İran nümayəndə heyəti görüşü keçiriləcək. Burada İranın Zəngəzur dəhlizi məsələsində tutduğu mövqe müzakirə ediləcək. Region ölkələri dəhlizin açılmasını istəyirsə, İranın bu siyasəti nəticəsiz qalacaq".

Banu