BAKU Azərbaycan
°C

Azərbaycan Prezidenti İlham Əliyevin Laçın şəhərinə səfəri baş tutdu. Səfər çərçivəsində Prezident Laçın şəhərində Azərbaycan bayrağını ucaldıb. Daha sonra çıxış edən Prezident bir sıra mühüm məqamlara toxunub.

Prezidentin gündəliyində bir çox mövzu olsa da, onlardan ən diqqətçəkəni Ermənistan silahlı qüvvələrinin dövlət sərhədi istiqamətində törətdiyi genişmiqyaslı təxribatlar və Azərbaycan ordusunun sərhəd təxribatlarına cavab olaraq həyata keçirdiyi hərbi əməliyyatlar barədə danışması oldu. Prezident baş verənlər haqda ətraflı olmasa da, mühüm məlumatlar verdi.

“Əgər Ermənistan bizi ittiham etmək istəyirsə ki, onların ərazisinə girmişik, bunun heç bir əsası yoxdur. Birincisi, əgər sərhəd onların dediyi yerdə idisə sərhədi quraydılar, sərhəd xətlərini inşa edəydilər, kommunikasiyaları, mühəndis işlərini quraydılar. Onlar hesab edirdilər ki, bütün Qarabağ və Zəngəzur onlara qalacaq. Məhz buna görə Azərbaycan-Ermənistan sərhədində heç bir iş görməmişdilər” - deyə Prezident bildirib.

Dövlət başçısının sözlərində tarixi və siyasi həqiqət var. Məsələ ondadır ki, Ermənistan 27 il ərzində qondarma “artsax”ın öz müqəddəratını təyin etməsi ilə bağlı yalan məlumatlar yaysa da özü heç vaxt bu qurumu dövlət kimi tanımayıb. Çünki Ermənistanın məqsədi regionda ikinci erməni dövləti yaratmaq deyil, Qarabağın işğalını bu yolla legitimləşdirmək idi. Məhz buna görə Prezidentin də dediyi kimi “əgər sərhəd onların dediyi yerdə idisə sərhədi quraydılar, sərhəd xətlərini inşa edəydilər, kommunikasiyaları, mühəndis işlərini quraydılar”. Qondarma qurumun “bayrağına” da diqqət etdikdə Ermənistandan qopma, ayrılma təsviri var. Əslində bu belə rəsmi İrəvanın işğalçılıq siyasətinin göstəricisidir.

Siyasi reallığa gəldikdə isə 44 günlük müharibə sonrası rəsmi Bakı iki ölkə arasında sərhədlərin delimitasiya və demarkasiyası ilə bağlı işlərin başlanmasını istədi. Mayın 23-də Brüsseldə Aİ Şurasının sədri Şarl Mişel ilə üçtərəfli görüşdən bir gün sonra Azərbaycan Prezidenti İlham Əliyev və Ermənistan Baş naziri Nikol Paşinyan sərhəd delimitasiyası üzrə komissiyaların yaradıldığı barədə sərəncam imzalayıblar. Lakin həmin komissiya bu günə qədər istənilən səviyyədə iş görə bilmədi. Bunun səbəbi də birbaşa Ermənistandır. Rəsmi İrəvan vaxtaşırı etdiyi təxribatlar və diversiya hücumları komissiyanın işinə açıq şəkildə mane olur.

Nəticə etibarilə, bu gün Ermənistan ilə Azərbaycan arasında nə yekun sülh müqaviləsi, nə də sərhədlərin demarkasiya və delimitasiyasına dair bir sənəd yoxdur. İki ölkə arasında dövlət sərhədləri qeyri-müəyyən qalırsa tərəflərdən heç biri digərini sərhəd pozmaqda ittiham edə bilməz.  Xüsusilə də Ermənistan.

Yeri gəlmişkən, prezident də bu məsələ ilə bağlı bir daha qeyd etdi ki, biz Ermənistanla sülh müqaviləsini imzalamaq üçün 5 prinsip təklif etmişik: “Sözdə onları qəbul ediblər, amma biz bunu əməldə görmürük. Yenə də vaxt uzatma taktikası”.

Prezidentin çıxışının bir digər diqqətçəkən məqamı isə “Mən yenə də deyirəm, biz müzakirələrə hazırıq və delimitasiya komissiyalarının,  Azərbaycan-Ermənistan komissiyalarının işinə məsuliyyətlə yanaşırıq. Bütün xəritələri toplamışıq, o cümlədən XIX əsrə, XX əsrə, ondan əvvəlki dövrə aid olan xəritələr bizdədir və o xəritələr açıq-aydın göstərir, kim hansı torpaqda yerləşibdir. Ona görə delimitasiya aparılmadan bizi heç kim ittiham edə bilməz”.

Ölkə başçısının bu ifadəsi əslində Ermənistana qarşı "bal və balta" xəbərdarlığıdır. Belə ki, Prezident açıq qeyd edir ki, biz sərhədlərin delimitasiya və demarkasiyasına dair işlərin yenidən başlanmasına razıyıq. Bu məsələnin bal tərəfidir. “Bütün xəritələri toplamışıq, o cümlədən XIX əsrə, XX əsrə, ondan əvvəlki dövrə aid olan xəritələr bizdədir və o xəritələr açıq-aydın göstərir, kim hansı torpaqda yerləşibdir” ifadələri isə balta mahiyyəti daşıyır. Yəni bizim əlimizdə bir yox, bir neçə tarixi xəritə var. Ermənistan konstruktiv olmayacağı təqdirdə rəsmi Bakı tarixi xəritələr əsasında ərazi iddialarını genişləndirə bilər. Misal üçün, Prezidentin qeyd etdiyi XX əsrə aid xəritələrin birində Cənubi Qafqaz ölkələrinin dövlət sərhədləri açıq-aşkar göstərilib. Hətta həmin xəritədə Göyçə gölü iki ölkə arasında tam şəkildə bölünüb.

Prezident bununla bir daha Ermənistandan konstruktiv davranıb danışıqlara qayıtmasını, əks təqdirdə əməliyyatların davam edəcəyi, hətta Ermənistanın təsəvvür edə bilməyəcəyi həddə çatacağı mesajını verir.

 

Son xəbərlər

Sumqayıtda yaşayış binasında yanğın OLUB

Qadınlarla bağlı ÜZÜCÜ STATİSTİKA: son 10 ilin ən yüksək həddinə çatdı...

Əbədi xoşbəxtlik:3 bürc bunun sirrini artıq tapıb

Aİ vətəndaşlarına Rusiya dövlət şirkətlərində vəzifə tutmaq qadağan oluna bilər

Yunanıstanda İran səfirliyinə “Molotov kokteyli” atıldı

Latviya və ABŞ birgə təlimlər keçirəcək

İrandakı etirazların canlı simvolu güllələndi - VİDEO

Almaniyada təyyarələr göydə toqquşdu: Hər iki pilot həlak oldu

Canni De Byazi: "Düzgün yoldayıq, komanda inkişaf edir"

Fransa gələn il qaz tariflərini 15 faizdən çox artırmayacaq

Şolts: "Ukraynaya tankların göndərilməsi təhlükəlidir"

Daşkəsəndə yol qəzası - xəsarət alanlar var

Azərbaycan Qazaxıstana qalib gələrək qrup ikincisi OLDU

Londonda İran səfirliyi qarşısında aksiya keçirilib - FOTO

İran polisi qadınları atəşə tutdu

“Instagram”da yenilik: Hekayələrin müddəti uzadıldı

Moldovada müxalifətin etiraz aksiyası başlayıb

Azərbaycanda peyvənd olunanların sayı açıqlanıb

5 dəqiqədə yuxuya getmək üçün:Bunu edin

Ermənilərin uzaqdan idarə edilən minaları aşkarlandı - VİDEO

Bütün xəbərlər