Elxan Şahinoğlu: "Bu, Mövlud Çavuşoğlunun və Akarın son açıqlaması ola bilər"
"Türkiyənin xarici işlər və müdafiə nazirləri Mövlüd Çavuşoğlu və Hulusi Akar bugünkü açıqlamalarında Türkiyənin Azərbaycana hər zaman dəstək verəcəyini, buna nümunə olaraq İkinci Qarabağ müharibəsini göstəriblər".
Gundem.az bildirir ki, bunu siyasi ekspert Elxan Şahinoğlu nazirlərin açıqlamalarını dəyərləndirərkən deyib.
Ekspert qeyd edib ki, bu, Mövlud Çavuşoğlunun və Hulusi Akarın nazir vəzifələrində Türkiyə-Azərbaycan ittifaqıyla bağlı son açıqlamaları ola bilər:
"Mayın 14-dən sonra Mövlud Çavuşoğlu və Hulusi Akar nazir vəzifələrində olmayacaqlar, ən yaxşı halda hakim partiyanı millət vəkili kimi parlamentdə təmsil edəcəklər" deyən Şahinoğlu daha sonra vurğulayıb:
"Buna baxmayaraq, Mövlud Çavuşoğlu və Hulusi Akar Azərbaycanla ittifaqın dönməz olduğunu bir daha xatırlatmaqla özlərindən sonrakı nazirlərə bu siyasətin davamı vacibliyi mesajını göndəriblər. Biz də buna ümid edirik".
Son xəbərlər
Ən çox oxunanlar
- Bu gün
- Bu həftə
- Bu ay