“Apple” şirkəti 2025-ci ildə sensorlu ekrana malik ilk notbuklarını buraxacaq.

Gundem.az xəbər verir ki, bu barədə məlumatı “Bloomberg” agentliyi yayıb.

Agentliyin analitiki Mark Qurmanın sözlərinə görə, şirkət artıq sözügedən layihə üzərində işləyir.

O bildirib ki, yeni notbuklar quruluş baxımından hazırda satışda olan “MacBook Pro”lardan bir o qədər də fərqlənməyəcək.

Bununla belə, qeyd olunur ki, şirkət sensorlu ekrana malik ilk notbuklarını təqdim etməzdən əvvəl əməliyyat sistemini yeni cihaza uyğunlaşdırmalı olacaq.