BAKU Azərbaycan
°C

Yeraltı nəqliyyatdan istifadə edən sərnişinlər metroda “BakıKart”ın ləğv ediləcəyindən narahatdırlar.

Ötən gün “Bakı Metropoliteni” QSC-nin iki stansiyada pilot layihənin tətbiqinə başlaması sərnişinlər arasında anlaşılmazlığa səbəb olub.

Məsələ ilə bağlı Oxu.Az-a daxil olan çoxsaylı müraciətləri nəzərə alaraq quruma sorğu ünvanladıq. “Bakı Metropoliteni” QSC-nin Mətbuat Xidmətinin rəhbəri Bəxtiyar Məmmədov Oxu.Az-a açıqlamasında bildirib ki, bu, pilot layihədir və əhali arasında layihənin hansı formada uğurlu olması izləniləcək:

“Cəmiyyət arasında “BakıKart”ın ləğv edilməsinə dair yayılan şayiələr həqiqəti əks etdirmir. Əksinə, ödəniş üçün üsulların çoxsaylı olması sərnişinlərin rahatlığı üçün önəmlidir. Təxminən pilot layihə bir ay müddətində həm texniki tərəfdən yoxlanılacaq, həm də sərnişin məmnuniyyəti hesablanacaq. Eləcə də, digər məsələlər müşahidə edildikdən sonra layihə metronun “Avtovağzal”, “Memar Əcəmi” stansiyalarında, daha sonra isə “yaşıl” və “qırmızı” xətlərin stansiyalarında tətbiq ediləcək. İlin sonuna qədər bu işlərin əksəriyyəti yekunlaşacaq və bütün stansiyalarda tətbiq olunacaq. Daha sonra növbəti ildən ödənişlərin bank kartları vasitəsilə aparılması məsələsinə də baxılacaq.

Layihənin önəmli cəhəti və rahatlığı mobil telefonların hər zaman üstümüzdə olmasıdır. Ödənişi QR kod vasitəsilə etməyi seçən sərnişinlərin plastik kartı almağa və üstündə gəzdirməyə ehtiyac olmayacaq. QR kodun üstünlüklərindən biri də balansı gözünüzlə görməyinizdir”.

Xatırladaq ki, tətbiq edilən pilot layihə ilə “BakıKart” plastik kartına ehtiyac olmadan gediş haqqını mobil tətbiqdə yaradılan QR bilet vasitəsilə də ödəyə bilərsiniz. Bunun üçün QR bölməsinə keçib, “QR yaradın” düyməsini sıxdıqdan sonra bir gedişlik QR bilet yaradılır. QR bilet yaradılarkən pul kisəsinin balansında bir gediş üçün minimum 1 manat olduğuna əmin olun. Belə ki, QR bilet yaradıldıqda pul kisəsinin balansından 1 manat bloklaşdırılır və QR biletdən ictimai nəqliyyatda istifadə etdikdən sonra gediş haqqı məbləği bloklaşdırılan məbləğdən çıxılır və geriyə qalan məbləğ pul kisəsinə qaytarılır. Gediş haqqını ödəmək üçün yaradılmış QR bileti avtobuslarda yerləşən oxuma cihazının kamerasına və ya metroda turniketin üzərində yerləşən kameraya yaxınlaşdırmaq lazımdır.

Hər bir QR kod unikaldır. Bir gediş üçün keçərlidir və yaradıldığı andan beş dəqiqə ərzində etibarlıdır. QR bilet beş dəqiqə ərzində istifadə edilmədiyi təqdirdə qüvvəsini itirir və bloklaşdırılan məbləğ yalnız 72 saat ərzində pul kisəsinə geri qaytarılır. Ödəniş üçün olan turniketlərin ümumi sayı 356-dır.

Son xəbərlər

Meymun sürüsü sərinlənmək üçün sinif otaqlarına basqın edib - FOTO

Dünyanın ən təcrid olunmuş qəbiləsi ilk dəfə meşədən çıxdı: Onları buna nə vadar etdi?

ABŞ-də səmada naməlum işıq parıltısından sonra qəribə vibrasiyalar müşahidə edilib

Kim Kardaşyan və oğlu nadir xəstəlik daşıyıcısıdır - FOTO

Ukraynanın sabiq deputatı güllələndi

"Titanik" filmindəki "Batan palto" rekord məbləğə hərraca çıxarıldı - FOTO

Arda Turanın anası həbs edildi

8 abituriyentin nəticəsi ləğv edildi

ABŞ-də 1,6 mindən çox aviareys təxirə salındı

İmtahanda 700 balı təkcə o yığdı

Trampa dəstək üçün köynəyini cırdı - VİDEO

Azərbaycanda qızdan hərbi sənəd tələb etdilər - "Kişi" olduğunu öyrəndi

Türkiyə Silahlı Qüvvələri 19 terrorçunu zərərsizləşdirdi

Baş nazir QƏRAR İMZALADI

Prezident: "Rusiya ilə İkitərəfli münasibətlərdə həll oluna bilməyən məsələ mövcud deyil"

Fransalı siyasi lider: "Paris həbsxanaya çevrilib"

Prezident Şuşada Forumda çıxış edir - CANLI

"Kiprdə nizamlanma üçün iki dövlətin tanınması şərtdir" - Ərdoğan

"Sumqayıt" - "Fehervar" matçına 3300 bilet satılıb

YAP Mərkəzi Aparatında müşavirə keçirildi - FOTO

Bütün xəbərlər