BAKU Azərbaycan
°C

Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Fəxriyyə Liliparın təqdimatında “Nüvədidən gətirilən Qarqardaşının taleyi” adlı süjet hazırlanıb.

Süjetdə Qərbi Azərbaycanın Zəngəzur mahalının Nüvədi kəndində tapılan “Qarqardaşı” qədim türk xalqlarını yazılı tarixinin bariz nümunəsi kimi təqdim olunur.

Bildirilir ki, bu daş 1985-ci ildə Nüvədi kənd sakini, şair-araşdırmaçı Həmzə Vəli tərəfindən tapılıb. Böyük araşdırma aparan və onun tarixi əhəmiyyətini önə çəkən tədqiqatçı bu nümunəni o vaxtdan Qərbi Azərbaycandan gətirərək qoruyub saxlayıb:

“Bu daş Qərbi Azərbaycan torpaqlarının, o cümlədən Zəngəzur mahalının ən qədim zamanlardan əzəli türk yurdu olduğunu əsaslı şəkildə sübut edir.

Əski qayaüstü təsvirlər və onların olduğu yerdə qədim türk-run əlifbası ilə yazılar bu ərazinin tarixən alban boylarından biri olan qıpçaq mənşəli qarqar xalqının yaşadıqları geniş areala daxil olduğundan xəbər verir.

Diqqəti çəkən əsas fərq “Qarqardaşı” yazısında Orxon-Yenisey abidələrindəki yazıların bənzərliyidir. Bu yazı V-VII əsr Talas daşlarından da Antik dövrə aiddir”.

Araşdırmaçılar Üzeyir Əlizadə, Aydın Allahverdi və Füzuli Məcidli bu daşın tarixi ilə bağlı maraqlı faktlar üzə çıxarırlar: “Nüvədi camaatı ilk olaraq bu daş tapılan dağa Qarqadaşı deyirdilər.

Bu daş tapılandan sonra məlum oldu ki, əslində, bu, “qarqa” deyil “qarqar” daşıdır. Qarqar yazıları və tayfaları qədim türkə aiddir. Ona görə də bunu beynəlxalq ictimaiyyətə çatdırmaq üçün daha çox iş görməyə ehtiyac var”.

Xatırladaq ki, Qərbi Azərbaycan Xronikası layihəsinin məqsədi tarixi torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri – qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi “XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb.

İndi əsas vəzifə ondan ibarətdir ki, dünya ictimaiyyəti də bunu bilsin”, – fikrini əsas tutaraq, Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

 

Son xəbərlər

Xaçmazda avtomobil 40 yaşlı piyadanı vuraraq ÖLDÜRDÜ

Gəncədə ata 12 yaşlı qızını bıçaqladı

45 sviter geyinib Ginnesin Rekordlar Kitabına düşdü - VİDEO

Rusiyaya məxsus daha bir kəşfiyyat təyyarəsi vuruldu - VİDEO

Bakıda ən ucuz torpaq sahələri... - Siyahı

"Balalarınız xaricdə haram pullarla kef edir..." - Tolikdən sərt sözlər

MİT əməliyyat keçirdi: Mazlum Mardin yaxalandı

Qazaxda avtomobilin vurduğu piyadalardan biri xəstəxanada ölüb

Qurban Qurbanov püşkatmanın nəticəsindən danışdı

“Bavariya”dakı işini XATIRLADI

Toy hazırlıqları ilə bağlı yola çıxan gənc qəzada ölüb - FOTO

Zelenski Ermənistana gedəcək

Təqaüd və sosial yardım alanlara ŞAD XƏBƏR

Avropa İttifaqı bu ölkəyə 137 milyard avro ayırdı

Azərbaycanda dolların kursu dəyişəcək? - VİDEO

Kişi beynindəki iynə ilə 20 İL YAŞADI

Kübra Əliyevadan Firuzə İbadovaya 450 manatlıq hədiyyə

Pul sarıdan bəxti gətirəcək BÜRCLƏR

Mühafizəçi iş yerində ölü tapıldı

Azərbaycanda öz toyu üçün rayona gedən oğlan faciəvi şəkildə öldü - FOTO

Bütün xəbərlər