Bakının ən müasir və inkişaf edən rayonlarından biri olan "Ağ Şəhər"də “McDonald's Azərbaycan”ın sayca 28-ci restoranının açılışı olub.

Xətai rayonu, İlqar Mirzəyev küçəsi 46 ünvanında yerləşən yaşayış binasının birinci mərtəbəsini əhatə edən restoran qida sənayesinin bütün tələblərinə cavab verir və qonaqlara xoş vaxt keçirmək üçün komfortlu şərait təklif edir.

146 oturacaq yerinə malik yeni “McDonald's” restoranı interyerə rahatlıq və eleqantlıq atmosferi bəxş edən zərif “Luna” üslubunda dizayn edilib. Burada qonaqların rahatlığı üçün, digər “McDonald's” filiallarında olduğu kimi, sifariş prosesini daha asanlaşdıran özünəxidmət köşkləri quraşdırılıb, həmçinin sifarişləri birbaşa masa arxasında əyləşərək qəbul etməyə imkan verən “masa xidməti” göstərilir.

Yeni restoranda həmçinin qonaqların müxtəlif isti içkilərdən və desertlərdən həzz ala biləcəyi “McCafe” zonası yaradılıb. Əlavə olaraq, müştərilərə sevimli “McDonald's” təamlarından istədikləri yerdə həzz almağa imkan verən çatdırılma xidməti təklif olunur.

Azərbaycan iqtisadiyyatına investisiya yatıran ilk beynəlxalq brendlərdən biri olan “McDonald's” 25 il ərzində ölkənin qeyri-neft sektorunun inkişafını fəal şəkildə dəstəkləyir. 100-dən çox Azərbaycan şirkəti ilə əməkdaşlıq edən “McDonald's” yerli podratçılarla əməkdaşlığa xüsusi önəm verir. Hazırda “McDonald's Azərbaycan” 2500 nəfərdən çox Azərbaycan vətəndaşını iş yeri ilə təmin edir ki, bu da şirkətin yerli iqtisadiyyatın inkişafına və ölkə sakinləri üçün iş yerlərinin yaradılması işinə sadiqliyini təsdiqləyir.